Жаратылыстану ғылымдар апталығының қорытындысы

Жаратылыстану ғылымдар апталығының қорытындысы

         Мектебімізде «Жаратылыстану әлеміне саяхат» атты жаратылыстану пәндер апталығы болып өтті.

        Оқушылардың қызығушылығын арттыруда пән апталықтарының орны ерекше. Бұл апталықты өткізудегі негізгі мақсатымыз – оқушыларға жаратылыстану бағытындағы пәндердің өмірмен байланысты екенін түсіндіру. Әртүрлі іс-шаралар арқылы балалардың пәнге деген қызығушылықтары мен ынтасын оятып қана қоймай, логикалық ойлау, тапқырлық, интуиция, ой-өрісі, дербестік қасиеттерімен мақсатқа жетуге үйрету болып табылады.

         Жыл сайын апта барысында түрлі сайыстар мен іс-шаралар өткізіледі.
 Апталығымыздың салтанатты ашылуы оқушылардың көрсеткен шағын көрініс, әр пәнге арналған өлеңдерден басталды. 

        Жоспарға сай 3 кіріктірілген ашық сабақ, атап айтсақ, 11«Б» сыныбында география және информатикадан «Япония» тақырыбында (пән мұғалімдері Андриянов А мен Оспанова Г.Е); 9«А» сыныбында география және физикадан   «Қазақстанның көлік кешеңдері. Жылу қозғалтқыштарының энергетиканың дамуындағы рөлі» тақырыбында (пән мұғалімдері Ахметжанов Б.К мен Бейсекеев А.И.); биология мен өзін-өзі танудан кіріктірілген «Сүйектің байланысу типтері» атты сабақты Адий А өткізді. Сабақтарда оқушылар  белсенді қатысып, білімдерін ұштастыра білді.

          Аптаның бірінші күні 5-11 сынып оқушылар арасында жаратылыстану пәндер бойынша олимпиада өткізілді.

         5-6 сынып оқушыларының арасында «Жаратылыстану әлемі» атты сабақтан тыс жұмысты биология пәнінің мұғалімі Мұратхан М өткізді.

         Аптаның соңы биология мен өзін-өзі тану  пәні кіріктілген «Биологический КВН» атты кештікпен аяқталды.
Пәндер олимпиадасы және  өткізілген әртүрлі  іс-шараларды марапаттау рәсімі кештікте жалғасын тапты. Әр пән бойынша ең жоғары  ұпай алған 12 оқушы «Ең үздік нәтиже» номинациясымен, 1,2,3- орын иеленген оқушылар Грамота және арнайы сыйлықтармен марапатталды. 

          Жүргізілген іс-шаралар  оқушылардың назарының дамуына, есте сақтау, тілдік қабілеттерін жетілдіруге, үш тілде (қазақ, орыс, ағылшын) қарым-қатынас жасау дағдыларын жүзеге асыруға, дарынды оқушылардың ойлау қабілетін жандандыруға септігін тигізді. 

ӘБ мүшесі:          Адий Аманжол