Облыстық ғылыми жобалар байқауы

Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау жөніндегі орталығы 8-11 сынып оқушылары арасында жалпы білім беретін пәндер бойынша республикалық ғылыми жобалар байқауының облыстық кезеңін 2022 жылғы 26-28 қазан күндері Көкшетау қаласы, Құрылыс технологиялық колледжінің базасында өткізді. 
 Оқушылардың ғылыми-зерттеу және оқу-танымдық қызметін ынталандыру, неғұрлым талантты және дарынды жас зерттеушілерді іріктеу және қолдау, Қазақстан Республикасының зияткерлік әлеуетін қалыптастыруға жәрдемдесу мақсатында  өткізілген бұл байқауға мектебіміздің 10 сынып оқушысы Сайланова Айдана қатысты.  Ғылыми жоба жетекшісі Адий Аманжол.  Жоба тақырыбы: Қайың шырынының денсаулыққа пайдасы.  Қайың және қайың шырынының адам өмірінде, халық медицинасындағы маңызын түсіндіріп, халықтық медицинада қолдану аясын айқындай білген бұл жоба  жоғары бағаланып, жүлделі 2 орынға ие болды.